حلقة عمرو خالد عن الامام مالك واايد شدتني وتابعتها ووايد اعجبت بشخصية الامام مالك رضي الله عنه..
يقول ان الامام مالك لما كان صغير مايحب الدراسه وكان كله يلحق المغنين ويردد اغانيهم وكان يبي يصير مثلهم لما يكبر ..
طبعا ابو الامام مالك كان عالم وجده عالم يعني بيتهم كان بيت علم .. وكان للامام رضي الله عنه اخوين واحد اكبر منه وواحد اصغر منه .. بس كانوا يدرسوون وشطار عكسه تماما ..
وكان مالك عنده حمام يطيره ويهتم فيه ولاااهي فيه عن الدراسه
واللي بقوله الحين اهوا اللي صج شدني وحبيته
لما الاب والام شافوا اهمال الولد بالدراسه
فكروا بطريقه تخليه يدرس ويصير عالم بس شلووون؟
لو الابو والام كويتيين جان كفخوووه وطقووه طق سنه بساعه وهم ماراح يفيد فيه
المهم
الاب قال حق عياله ان كل يوم جمعه راح تكون اكو مسابقه بينكم .. انا اسألكم وانتوا تجاوبون ..
صار يوم الجمعه والاب قعد يسأل والاخوه الاثنين يجاوبون ومالك مايعرف شي .. احتر شلون اللي اصغر منه افهم منه .. فلما ماكان يجاوب يطالعه الاب ويبتسم ويقوله الهتك الحمائم
فجمعه عن جمعه كان يتحسن ويدرس
هذا كان موقف الاب
نشوف الام شسوت
راحت له قبل لاينام وقالت له شنو ودك تصير لما تكبر ؟ فقال ابي اصير مغني او شاعر فقالت له ماتبي تصير عالم مثل ابوك وجدك ؟ لاترد علي الحين , اقعد فكر وبكره الصبح قرر
....
صار الصبح يت الام ومعاها بشت وعمامه بس مقاس الاطفال مقاس الامام مالك ذلك الوقت 10 سنين .. ولبسته اياهم وقالت له الله شكلك حلوو وانت عالم .. روح تمشى فيه بالحي ..
طلع مالك واهوا كاشخ بالعبايه والعمامه والناس كلهم يبدون اعجابهم بهذا الطفل اللي لابس لبس عالم
فاستانس مالك وحب اللبس وااايد
وان الناس كلهن يمدحونه ويقولوله ان اهوا عالم
فلما رد البيت
قال حق امه ان قرر يكون عالم ويدرس
العبره من هذه القصه
اللي المفروض كل ام واب يعرفونها
ان التفكير والتروي والذكاء افيد مليووون مره من الطق والعقاب
ولما نعطي الطفل الثفه بنفسه ان احنا متأكدين من ان اهوا بيسوي الشي العدل
اتمنى تكون القصه عجبتكم :)
*تدرون ان الامام مالك اشقر وعيونه زرق :) لان كان من الاندلس ,,
بعد اكو كذا موقف عجبني بس هالموقف اكثر شي شدني
.......................................
هذا لنك حق القصه
يقول ان الامام مالك لما كان صغير مايحب الدراسه وكان كله يلحق المغنين ويردد اغانيهم وكان يبي يصير مثلهم لما يكبر ..
طبعا ابو الامام مالك كان عالم وجده عالم يعني بيتهم كان بيت علم .. وكان للامام رضي الله عنه اخوين واحد اكبر منه وواحد اصغر منه .. بس كانوا يدرسوون وشطار عكسه تماما ..
وكان مالك عنده حمام يطيره ويهتم فيه ولاااهي فيه عن الدراسه
واللي بقوله الحين اهوا اللي صج شدني وحبيته
لما الاب والام شافوا اهمال الولد بالدراسه
فكروا بطريقه تخليه يدرس ويصير عالم بس شلووون؟
لو الابو والام كويتيين جان كفخوووه وطقووه طق سنه بساعه وهم ماراح يفيد فيه
المهم
الاب قال حق عياله ان كل يوم جمعه راح تكون اكو مسابقه بينكم .. انا اسألكم وانتوا تجاوبون ..
صار يوم الجمعه والاب قعد يسأل والاخوه الاثنين يجاوبون ومالك مايعرف شي .. احتر شلون اللي اصغر منه افهم منه .. فلما ماكان يجاوب يطالعه الاب ويبتسم ويقوله الهتك الحمائم
فجمعه عن جمعه كان يتحسن ويدرس
هذا كان موقف الاب
نشوف الام شسوت
راحت له قبل لاينام وقالت له شنو ودك تصير لما تكبر ؟ فقال ابي اصير مغني او شاعر فقالت له ماتبي تصير عالم مثل ابوك وجدك ؟ لاترد علي الحين , اقعد فكر وبكره الصبح قرر
....
صار الصبح يت الام ومعاها بشت وعمامه بس مقاس الاطفال مقاس الامام مالك ذلك الوقت 10 سنين .. ولبسته اياهم وقالت له الله شكلك حلوو وانت عالم .. روح تمشى فيه بالحي ..
طلع مالك واهوا كاشخ بالعبايه والعمامه والناس كلهم يبدون اعجابهم بهذا الطفل اللي لابس لبس عالم
فاستانس مالك وحب اللبس وااايد
وان الناس كلهن يمدحونه ويقولوله ان اهوا عالم
فلما رد البيت
قال حق امه ان قرر يكون عالم ويدرس
العبره من هذه القصه
اللي المفروض كل ام واب يعرفونها
ان التفكير والتروي والذكاء افيد مليووون مره من الطق والعقاب
ولما نعطي الطفل الثفه بنفسه ان احنا متأكدين من ان اهوا بيسوي الشي العدل
اتمنى تكون القصه عجبتكم :)
*تدرون ان الامام مالك اشقر وعيونه زرق :) لان كان من الاندلس ,,
بعد اكو كذا موقف عجبني بس هالموقف اكثر شي شدني
.......................................
هذا لنك حق القصه
35 comments:
لوووول
اهم شي شدني بالموضووع الابوي والام الكويتيين
بس حق التكفخ زاهبيين
وجان زيين تحصلين الي يطق
يبا اهمال طااف
لاهيين باشياء ثاانية غيير مستقبل اعياالهم
وسلامتج
أهم شي إن الإمام مالك عيونه زرق
:)
عاد يقولون إنه حمر عطر عيونه زرق أشهب أشقر الرأس واللحية
بس السؤال
اشوداه الأندلس
خبري فيه أصله من حمير في اليمن
:)
ودمتم بحب وود
fi3lan hathi iltarbiyah il7adeethah ili al7een inadon feha,
tawjeeh thaki,
yid'7lon lil6ifil min ilshe2 ili yistahweeh akthar shy 3shan yajthibonah lilshy il97,
fi3lan i3rfo ishlon iwajhonah wi ila7gon 3leeh,
shokran 3la ilqi99a ili kilha 3ibar:)
الصراحة نموذج جميل لا للتربية
بس وين عاد اللى يفتهم
انا اللى عندي وحدة ملاك والثانية تقول حق ابليس استريح واوريك العفرتة شلون
:))
خوش قصه بس انا عمرو خالد ما اواطنه يسوي مثل دعايات قبل الي يتكلم عنه مثالي ووردي وجميل والي بالجهه الثانيه اسود وخايس عباله يقص على يهال - مره يابوه الكويت عمرو خالد بالجامعه الامريكيه بالكويت ولمن دش المسرح ولقاه نصه فاظي طلع وعصب وهو من يتكلم عن الزهد - وبعدين مايصير عمرو خالد يقول انه يشرب ماي على طريقه الرسول ثلاث رشفات وهو جالس وبعدين مايحط لحيه بيقص من عليه ؟؟؟ التجاره بالدين زايده هالايام
ممتاز عمرو خالد
والله يا وخيتي ان خليت خربت في عوائل شوف عيني ماشاء الله قمة بالعقلانية في تربية ابناءها و ماشاء الله على عيااالهم عيني عليهم باردة
على فكرة اختي ... هاللي يطقون عيالهم بدافع التربية .... قاعدين يقصون على اعمارهم
اهم كل اللي يسوونه انهم قاعدين ينفسون في عيالهم و يحطون حرتهم فيهم بسبب ضغوطات الحياة اليومية
---
نسيت اقول ... انها الزيارة الاولى لي :)
و اتمنى انج تقبليني كقارئة مستمرة لها :)
قصة حلوة
وليت الاباء يطبقونها ويا عيالهم
جان محد ضاع
بصراحه القصة وايد حلوه
اي والله الكويتيين بس حق الطق والتكفخ
يعطيج العافية
waaih intay min et7acheeen el yahel lastakhdamtay seyasat elkhazzz rad khazach 3abalaa etkasreeena thak elyoum tha7akt 3la oboiy the7eek bekhari3 el yahal khazhummmm wela ekhezoona chan faj'aa emotooon mn ethe7eek egolonlaa 3amiii ghamatht ghamatht!!! LOOOOL ebthemetech hathoooool nas kafoo etkhar3eenhum mako shay ekhare3hummmm ela 7ayzaboona woo yaaalah:P
هذي التربية ولا بلاش بصراحة ..
ماشاء الله عليهم .. تفكير من احسن ما يكون ..
انا دايما اقول الضرب ما ينفع والكلام والذكاء وحتى احيانا المكر هو اللي ينفع ..
جزاج الله خير على هالقصة الأكثر من رائعة اختي ..
صدق حبيتها وشدتني :)
بصراحة
افضل شيء
انك حطيتي لينك الحلقة
جزاك الله خيرا
TReSTeN
والتهديد الكويتي الخالد الى الابد
اييييييب الخيزرانه
لووول
sologa-bologa
تبي الصج
اول ماسمعت الحلقه واايد حبيت الامام مالك وطريقة نهجه
بس بالنهايه لما قال ان جميل الملامح واشقر وازرق العينيين
وذو قامه طويله
الصراحه الصراحه
حبيته زود :)
جنه قال ان من الاندلس ماادري اذا من اليمن
salfa3ajeeba
حياج الله حبيبتي
:)
صج والله هذا الذكاء التربوي والا بلااش
Mishari
عندي وعندك خييير
:))
يعين الله
حمودي
الصراحه احب التفاصيل اللي يقولها بالقصص
وحط لحيه او لأ المهم اضمن اني استفدت معلومه جديده مفيده
:))
حياك الله
وشكرا على الزياره
kila ma6goog
فعلا :)
aThooB
ياهلا ومرحبا
حيالله من زارنا
على فكره كذا مره ازور موقع فلكر الخاص فيج
والصراحه الصور واااااااااايد حلوين ومعبرين
:))
حياج الله
وبالنسبه للموضوع صاجه ان خليتك خربت
اسقاطات الاهل تنفس بالاطفال
...........
حياج الله ولي طابلج المكان عاودي
:)
Alfajer alba3eeed
اي والله لو الكل يسوي جذي
جان كل الناس بخير
حياج الله حبيبتي
:)
physio-80
حلت دنياك
:)
والله يعافيك يارب
شكرا على الزياره اللطيفه
:)
shakshaka
لووووووووووووووووووووووووووووووووووووووووووووووووووووووووووووووووووووووووووووووووول
هاهاهاههاهااي صج ضحكتيني
صج هاليهال مايخوفهم شي
ذاك اليوم انا معصبه على بنتي
وراحت انخشت عند صاحبتي
جان اسوي روحي انا الفقيره المسكينه اللي ماعندي احد .. ابي اكسر خاطرها
جان تقولي
ماما ترا الزعلانه مو انتي
لووووووووووووووووووووووووول
شتقولين
:))
عيون الحب
ياهلا
مرحبا ملاااايين
:)
نورتيني
لاتقاطعين
طهقان
حياك الله
وشكرا على الزياره
:)))
نعم
هذا النقش بالحجر طال عمرج
ومشكوره على هالمعلومه الطيبه
يحلوهم ويا حلو حكمتهم
والله كش شعر ينبى
ممتعه القصه ومن صجى ودى اسمعها من عمر خالد لان يشدنى بالقصص
اهنيج على هالسرد
ما تتخيلين اشكثر استمتعت بالبوست
:*
SolaimaN
العفو وحياك الله
:)
charisma
:))
صج وايد حلوه القصه واهوا يقصها
انا سمعتها من البرنامج اللي في قناة الراي
اسم البرنامج
دعوه للتعايش
وشكوره على مدح السرد
:)
تدرون ان الامام مالك اشقر وعيونه زرق :) لان كان من الاندلس
-----
كلام سلوقا بلوجا صحيح
اصلاً الامام مالك ولد 93 هجرية يعني قريب فتح الاندلس ... فشلون يكون اندلسي؟
ما يمديه
:)
الامام مالك حميّري من قبيلة قحطان العربية
hint: عمرو خالد ما يعتمد عليه بالمصادر لأنه يتهم بالقصص و السرد و العاطفه اكثر من اهتمامه بالتحقيق و المراجع
انا اميل للدكتور طارق السويدان اكثر
و مشكوره على الاختيار الجميل
قصه فيها من العظه والعبره
فعلا عندنا الطفل ينطق ويتعاقب اذا مادرس ولكن شوفوا الحكمه شلون
وفكره جميله يت على ذهن الوالدين وخلوه يصير شي كبير
بس الحمدلله خالتى ماخذه طريقة المكافآت مع عيالها لان احسن من الطق
والله والنعم بالامام مالك
بس هالنصاب انا ما احبه
حده يعطيج العافيه ويزاج الله خير ما قصرتي
عجبتني القصه واسلوب النقل والعبره
كل اسبوع اقول بشوفه وانسى
الحين من صجي ابي احرص اني اشوفه لاني فعلا احب اسلوبه
شكرا مرة ثانيه
:)
مساالجمال
لغاليتي
العزيزة
يعطيج العافية انج وصلتيلنا معلومة كنا نجهلها والزبده منها
ياريت ناخذ ولو جزء بسيط من ذاك الزمان العجيب
بس منو اللي يستفيد
:)
دمت بود وصفاء دائمين
اعيريني سمعك ..
..
.
.
.
كم انتِ رائعة
تقديري
لو الابو والام كويتيين جان كفخوووه وطقووه طق سنه بساعه وهم ماراح يفيد فيه
ضحكتيني يعطيك العافيه
Post a Comment