عدت والعود احمد

شخباركم .. الصراحه فقدتكم وفقدت القعده مجابله اللابتوب 3 ساعات :)) الاجازه تلخصت كلها بالشاليه
لكن الحمدالله استانسنا وضحكنا وكانت خوووش اجازه
عندي ولد عمره 3 سنين كل ماركبوا البنانا بنص الطريج نام .. لووول .. العام وهالسنه مصورينا واهوا نايم ..
قالي ماما مااحب بنانا ابي جك سكي .. يعني جت سكي ..
اوكي
ركبت صاحبتي وخذته معاها وماسك السكان وكاشخ حده .. شوي الا راسه مره يمين ومره يسار .. الا نااااااايم لووول
الحين ايقنت ان فيه دوار البحر

هاهااهاي

...........................................................................

سالفه عجيبه مطرشه تاج ,, كل البلوقرز سويتي لهم تاج .. بسميه تطعيم مو تاق
وهذا التاق جاوبناه

1. Last movie you saw in a theater?

ممم مااحب السينما واايد ومااذكر اخر فلم بس اعتقد كان كارتوون

2. What book are you reading?

الطريق الى كراتشي

3. Favorite board game?

كلودو
4.Favorite magazine?

ماكو شي معين

5. Favorite smell?

بالوما بيكاسو مع بخور

6. Favorite food?

مربين مع دقوس صبار

هذا اذا اكل كويتي

اما اذا مو كويتي فهمبرغر

7. Favorite sound?

صوت الهدوووء ششش

8. Worst feeling in the world?

اذا احد قثني بكلمه

9. What is the first thing you think of when you wake up?

الساعه جم؟؟

10. Favorite fast food place?

الهبه اليديده سلايدر ستيشن لذييييذ حده

11. Future child’s name?

Boy: محمد

girl: نوف

12. Finish this statement. "If I had a lot of money.

بونس اللي دار مداري واستانس معاهم

13. Do you drive fast?

اذا بروحي اي .. مع اليهال لأ

14. Do you sleep with a stuffed animal?

لأ!

15. Storms cool or scary?

كووول

16. What was your first car?

GMC

17. Favorite drink?

شاي

18. Finish this statement, “If I had the time I would..

ازور وايد ناس

19. Do you eat the stems on broccoli?

لأ

20. If you could dye your hair any color, what would be your choice?

BLOND

21. Name all the different cities/towns you have lived in?
الكويت .. الرياض .. الطايف

22. Half empty or half full?
FULL

23. Favorite sports to watch?

تنس ارضي

25. Morning person, or night owl?
سوير الليل

26. Over easy, or sunny side-up?

شنو يعني؟

27. Favorite place to relax?

ممم سبا تايم!!

بالبيت؟ داري

28. Favorite pie?
Chicken pie

وسلامتكم

Break..

Qarart akheth ejaza mn kil shai ana lahya feh .. o atfara`3 7g ilyahal shwaya .. 6al3at o al3ab o alooy m3ahm bkel mkan ybona .. So ill be absences for 3 , 4 days .. See Uoy Soon ..

* The pic mo 9orat 3yale :)

shakhba6 shakhabee6

احب هالاغنيه واااااااااااااااااااااااااايد :) وابيكم تسمعونها معاي

يامن يراعيني بعينه واراعيه
بعيون قلبي كل ما لاح زوله


يفز قلبي لا تبدت مواريه
واغض عنه الطرف والناس حوله

اقعد معه في الناس مقدر احاكيه
اخشى لساني يختلف في مقوله


يغلي الحكي في خاطري مقدر احكيه
ويصرخ بصدري صمت قد طال طوله


اسرح بفكري لا جرى طاري فيه
لا اقدر ارد الهرج ولا اقدر اقوله


ولا اقدر افيض سر قلبي ولا اخفيه
ولا اقدر اداري له جروح عليله


يا من يناديني بقلبه واناديه
يا مودع ليلي ليالاً طويله


ينسى الغفى عيني إلا جيت باغيه
يامن يلوم اللي خلا من خليله

سماع الاغنيه

من حبنا لها بنوفر لها

علم نفسك يامعلم اذا كان رب البيت بالدف ضاربا فشيمه اهل البيت شنووو؟؟

حزة اذان

المغرب .. هذي دوائر حكوميه مبطلين الليتات

اليوم

الخميييييييييييييييييييييييييييييييييييييييييييييييييس من اكو؟

picS taken by nokia6300 camera

تماشيا مع الهبه اليديده هبة الكلونيات ومستحضرات التجميل وعدت

purplecious

اني احطلها الكلونيات اللي احبهم ومااغيرهم من سنيين تماشيا مع المقوله الانجليزيه اللي تقول نساء المجتمعات الراقيه لايغيرن عطورهم مدى الحياة ومن سمعت هالمقوله وانا معجعجه بهذه المجموعه

وبربل تقولي افهم من كلامج انج من المجتمع المخملي .. لا مخملي ولاخيش مجتمع الشيفون ابرد لوول

هابي كلينك واروماتكس وبالوما هذيل الثلاثه ماااااااااااااااااااااااااستغني عنهم نهائيا
طبعا مع البخور والطيب

طبعا كل هذا عشان قلت لها ماااااااحب ريحة الحلاو :)

محد اخترع شي اذا سوينا داونلود حق الكلونيا ولي اكتمل تبخ الشاشه علينا؟

colonge in Germany 3ajeeba .. 9ej i love this city

Italy Rome.. spanish steps .. wa 7alalaah mn yzreg eyeebla bdla 7g il 3rs iljay mn Roberto Cavalli gbal hal man`6r

Our chalet in Maldives 701 hehe.. 9ej janat allah fel ar`6 .. Note ild3la wel lab7a dont take them there..

Esem il resort ille g3adna feh ... 3ajeeeb

ybela ta3ref aw shar7?? maye7taaai

Nikki beach .. tbon te`67kon .. galolna lay6ofkum u have to go o tshofon ilblawee there .. ana o 9a7bte fz3a mn il9b7 bdalna o re7na illaaa 9khaaaaaaaaaaaaaaaa mako wla qa6o illa e7na o yhalooo
.. atharee il khabbaaa bilel ,, o that time i7na bsaaaaaaaaaabe3 noma lol .. t7son `3shemen

3ad hathe ana 9ert khebra fehaa .. ai estefsar tbona ana 7a`6er .. 9ej t7son chenkum b 7elm 7looooo .. il wanasa etha kintaw majmo3a .. mo honeymoon madre a7es qamta bs 2 people.. lo aktb 100 post 3n ille 9arle aboard mara7 tkafe .. bs bgolkm ina nzlna m3a all groups fe rome o nsena il wgt o e7na intesawag .. Meshat ilbakhera o omahatna feha .. bs takhayalaw il man`6ar.. الامهات بالباخره والبنات على الرصيف بينا وبينهم نص كيلو
بالنهايه ركبونا طراد خفر السواحل ووصلونا لي الباخره وتلونا جنه خرفان لما صعدونا فوق ويتنا الزفه من الكابتن واحنا رايحيين نصور واهوا الفقير مشتط ويزف
حتى واحنا مزفوفين نبي نصور لوول

بلازا ريال برشلونه .. ترا السفره من غير ماتمرون برشلونه مالها طعم.. انا احبهااااااااااااااااااااا

ال كورتنجلس اشهر موول باسبانيا عجييب

Blue cave in Capri my new love

Capri ilmadena 7adha class .. mafeha Qelfeg .. mo bs claas illa high class ..

ifffffffffffff madre wen asafer !!!!!!!!!!!!!!
wdee aro7 some from above ,, bnfs ilwgt wdee ashof shai mashfta ..

im puzzeled :(

My Favoraite
http://www.youtube.com/watch?v=YTsFZHjRdVg

تحديث

الاسبوع اللي فات والاسابيع الجايه ماشاءالله الافراح والزواجات والمناسبات السعيده تفتك بميزانية كل بنت بالكويت
موهذا موضوعي

كل مره لما ندش لعروس والحفلات نسلم على اهل المعاريس
واحنا رايحيين ندورلنا مكان .. نسلم على فلانه وعلانه

المهم

اكو نوعيه من الناس اكيد صادفتوهم يوم من الايام
شنو طريقتهم

انهم اذا شافوج كاشخه وطقمج يرتهش
هللوا ومرحبوا فيج
حتى لومابينج وبينهم معرفه زايده

واذا يتلهم وحده على قد حالها تسلم عليهم
تعالوا شوفوا الكبر والموقه والفلسفه ليييش؟

ليش هالطريقه؟ موحلوه بحقهم

*واكو نوعيه ثانيه.. اذا انتي ومع وحده تسولفون وقعدت يمكم وحده ثالثه ساكته .. من السنع والذرابه انج تشركينها بالموضوع معاكم .. بس بعض الحريم يحبون يسوون روحهم اهما اللي عارفين الموضوع وكاشخه بالمعلومه اللي عندها وهذي ويييه شعرفها وتحقرها طول القعده .. عيييييييييييب

وصاجه شكشكه لي قالت المشكله ان حريم كبار اللي يسوون جذيّ!!*



شرايكم بنات؟ شفتوا جذي صح ؟

الشباب هل بالديوانيات اكو جذي؟

صديق ولكن

الصديق نعمه من الله ورب اخ لم تلده امك

الله لايحرمكم من اصدقاءكم وحبايبكم صداقتنا عمرها يمكن 8 سنين
ولكنها اجمل صداقه عشتها في حياتي طول عمري

كنت اسمع صديقاتي يسولفون مع بعض عن زوارتهم وطلعاتهم مع
بعض طبعا هذا الشي كان ممنوع عند امي وابوي

حدنا بيت يدتنا ام امي او ام ابوي المهم امنيتي كانت ان
الله يرزقني صديقه على قلبي ونخاف على مصلحة بعض

الحمدالله تحققت امنيتي هي هدية الله لي الله لايحرمني منها هذا البوست
شي بسيط اقدمه لها نادر الانسان مايلاقي هذا

الصديق اللي يخاف على مصلحتك ولايقدر ينام اذا عندك مشكله وتقدر
تتصل عليه لو الساعه اربع الفجر ويعطيك حل

لمشكلتك من قلب مو بس كلام على الفاضي نادر وجود الصديق
اللي يعلمك اشياء مفيده يغير من طريقتك الى الاحسن

نادر انت ماتتقبل هالشي حتى من الاصدقاء لكن هذا النوع اكييد اتقبل منه واكون له مشكووووووووور

شكرا صديقتي

ساعات الظالم مايحس بظلمه للناس ويستمر فيه

وظلم ذوو القربى اشد مضاضة من وقع الحسام المهند

اذا دعتك قدرتك على ظلم الناس فتذكر قدرة الله عليك

اقوال كثيره عن الظلم بين الناس وياما ناس انظلموا بغير وجه حق
ولكن

هل بإستطاعتك قول هذا الدعاء بكل مايحمل قلبك من معاني الصدق
يارب اغفرلي ولمن ظلمني

ودكم؟

ودكم الناس تقرا افكار بعض؟ ادري بتقولون في مواقف اي ودكم ومواقف واااااااااااااايد ماودكم يعني اذا اللي في بالكم شي ايجابي عن الشخص اللي جدامكم يمكن ودكم بس اذا انتي منبطه جبدج منهم وقاعده تجاملين؟؟ تخيلي يدري عنج؟؟ الله يالفشله؟ يعني لو يخترعون خوذه او قبعه اذا لبستوها يصير عندكم هالقدره تشترونها؟ من غير غش قولوا الصج

وين؟

اكيد الاغلب حجزوا تذاكرهم وينطرون موعد السفر.. موضوعي ان انا مليت من اماكن السفر المعتاده
لندن
اسبانيا
دبي
اوروبا عموما
رحت كروز كذا مره
المالديف وصلت لها
سيريلنكلا رحت وتوهقت
مممم
هونج كونج بعد وصلت
الصين
الحمدالله
على الصحه والعافيه

الحين المطلوب منكم
تقترحون على بروجرام
حلو
معاي اطفال
معاي
حريم كبار

هذا الجروب المعتاد بكل مره

شدوا حيلكم
وسووا
ال
Homework
عدل


في انتظار اقتراحاتكم

راحه واستجمام

بدت لويه السفر والفيز والجوازات وكل من مشتط ويجهز
الامهات لويه مع تجهيز الشنط والاولاد ..
والابهات اذا مسافرين معاهم لويتهم مع مواعيد السفر والتحضير لوسائل النقل

لكن

لي وقفه في هذا الموضوع
هل الكل يستمتع في هذه السفره؟
هل السفر مع الاهل ممتع؟
ام
الاصدقاء اكثر امتاعا؟
ام
تفضل السفر متنقلا لوحدك؟

تختلف وجهات النظر في هذا الموضوع

:) امتعونا بوجهات نظركم

اتمنى لكم بداية اسبوع جيده
واهديكم هذه الاغنيه

http://songs.6arab.com/3abdo..6aal-esafar.rm