For you..

قالت:من انت
وقلت: مجموعة إنسان
من كل ضد وضد تلقين فيني
فيني نهار وليل وافراح واحزان

http://gulf.salmiya.net/songs/abdo/ram/abdo173.ram

.................................................................................................................................

سويتلي نظاره طبيه ودكتور الفحص قالي عينج اليمين زينه وعينج اليسار واااايد تعبانه وكسلانه لازم تحافظين على لبس النظاره

وبهذه المناسبه يتبادر الي ذهني هذا المقطع

في عيني اليمنى من الورد بستان .. وفي عيني اليسرى عجاج السنيني

الشكوى للله :)

..................................................................................................................................

استمد طاقة عطائي منك واعطيك
انت ملهمتي
انت بوصلتي
انت سيدتي

صج؟؟؟

قريت هالمقوله على صفحة دفتر مشقوقه



لاتندم على شخص حبيته وخلاك .. اندم على شخص حبك وخليته



شرايكم فيها؟؟ بالنسبه لي المشكله تكمن ان اذا اللي يحبك دعله او ماتحبه شتسوي ؟؟؟

Dont Miss It

صارلي جم اسبوع اتابعه عجيييب الحين وصلت
سيزن 2 الحلقه 16 بس بعد ماشفتها

المسلسل وايد حلو وغريب ويشد الواحد
ويخليك تستنج اشياء وتصير اشياء غييييييييير عن اللي في بالك

الحلو ان يشدك لى درجه ان ماتقدر تنطر الحلقه اليايه ف اللي يبي يشوفه يشتري الحلقات كامله

اللي ماشافه خل يشوفه
واللي شافه لايحرق على الاحداث اليايه
;)

مواجيب الى مالا نهاية

السلام عليكم ورحمة الله وبركاته

شخباركم ... عسى ولهتوا علي ;)


اشمعنى شهر 5 و 6 يكون فيهم كل عروس اهل الكويت والناس تختب والحاله حاله .. على قولة يدتي يتزوج اثنين وينهبل الفين .. دخنا من المواجيب والعروس وكل شي قاوموا يسوون له مناسبه واحتفال واستقبال ... ياحلاتهم قبل كل في بيته والي اشتهوا يطلعون طقوا الباب على يارتهم وسيروا عليها لاتلفون ولا اخذي موعد ولا لونتر اييب العشا وايميلي وربعها الفلبينيات الي يدورون بالشاي والقهوه .. يحطون مطارتهم جدامهم وجان عندها صخله حلبتها وحطت الحليب في طوس ويابت الرطب وقعدوا يسولفون لاكلافه ولاكل يوم بدله يديده ولاميكب ولامصاريف زايده

ياحلو البساطه وإلاشرايكم