تعرفون شلون كانت بداية الخلق ؟؟
ماكنت اعرف
بس كنت ادري ان الله خلق سيدنا ادم وامنا حوا بالجنه وبعدين نزلوا الارض وتكاثروا وصرنا احنا (العالم) كله
بس شلون الله سبحانه وتعالى خلق سيدنا ادم؟
طبعا بسولف لكم القصه مو بالتفاصيل والنصوص بكلامي المتواضع :)
اول شي
الله سبحانه وتعالى امر جبريل ان يأتيه بقبضه من تراب الارض
واكو روايه ثانيه ان الله سبحانه وتعالى اخذ قبضه من تراب الارض
ومن ثم بلل التراب
فصار طين
وممن ثم
مسكه سبحانه وتعالى وشكله بيديه على هيئة ادم
وتركه ليجف
فكان صلصال كالفخار
وكان هذا التمثال مجوف
والشيطان يلف ويدور دار مداره ويقول ان هذا الخلق ضعيف
ولابد الاقيلي منفذ فيه واغويه
المرحله الاخيره ان سبحانه وتعالى بث الروح فيه
تتخيلون شلون ان الانسان يعتبر خلق كريم لان الله سبحانه وتعالى كرمه وسواه بيديه وبث فيه الروح
والله سبحانه وتعالى ماخلق الا ثلاث اشياء بيديه
الانسان
والجنه التي هي للانسان
والواح موسى
التي هي كذلك لهداية بني الانسان
فتخيلوا طهارة وعظم النعمه اللي احنا فيها
المعلومه الثانيه
ان كل واحد طبعه مثل التربه اللي خلق منها
التربه الطيبه انسان طيب
التربه الجافه انسان جاف
التربه الخبيثه التي مهما تعامها بطيب وتجهد نفسك لتصلحها لاينفع فيها شي يقابلها انسان الخبيث
التربه الحمراء
والتربه السوداء
والتربه البيضاء
سبحان الله
المعلومه الثالثه
لماذا سمي ابونا ادم ادم؟
لانه خلق من اديم الارض
والاديم هو التراب
فسبحانك يارب
19 comments:
يزاج الله خير حبيبتي على هالمعلومات الرائعه
ومأجوره على بوسج المبارك باذن الله
انصحج بقصص الأنبياء للدكتور طارق السويدان عباره عن ألبوم كامل من الأشرطه راح تنبهرين بالحقائق اللي كانت غايبه عنا قصص عجيبه
وفيها قصة آدم أول الخلق
وفيها وصف لجسم نبينا آدم وشلون قبل كانوا عمالقه سبحان الله
يعطيج العافيه
وعيدج مبارك :)
اول شئ
عيدج مبارك
وتقبل الله طاعتج
ويزاج الله على هالمعلومات الهامه
وت ول بىى
عيدج مبااارك
كل عاام وانت بالف خيير
مس يوو
shokran 3la ilma3lomat wi
3eedich mbarak wi taqabbal allah 6a3tich
عيدج مبارك وكل عام وانتي بخير
مشكورة وايد على المعلومات الحلوة
^_^
تقبل الله طاعتج
وعيدج مبارك
أول شي عيدج مبارك
:)
مشكورة على المعلومات بس يا ليت لو تحطين لنا المصدر
و بالنسبة للمعلومة الثانية
هل انتي متأكده منها؟؟
أنا اللي اعرفه ان أصل الشعوب كان من أبناء سيدنا نوح عليه السلام
حام و سام و يافث
كل واحد فيهم انبثقت منه سلاله
و العرب يسمونهم الساميين نسبه حق سام
فشلون كل واحد طبعة من الطين اللي خلق منها؟؟ بس ابونا آدم هو اللي انخلق من طين
و حواء ربي خلقها من ضلع آدم
و الله أعلم
كل عام وانتي بخير
تسلميين على هالبوست الرائع :}
و كل عام و انتي بخير خيتو
عييييييييدج مبااااارك
وتقبل الله طاعتج
وت ول بي
اش هالنزاااكة
ما شاءالله
النيو لوك
نعوووووم
انا كنت سامعة هالمعلومات بدرس من قبل
سبحااااااان الله
مشكووووورة على المعلومات
معلومات كثير مفيده
تسلم يدك على ايصالها لنا
صباح الورد والجوري
غاليتي
كل سنة وانت طيبه
وعساج من عواده
يارب
:)
مشكورة كثير علي هالمعلومات القيمة
اللي بصراحة كنا اغلبيتنا نجهلها
دمت بدفء وعذوبه
ابدا
:)
والله توني اعرف بعض المعلومات الي حطيتيها يزاج الله خير
شكرا للمعلومات .. بس ما قلتي عن خلق حواء .. و لا هذه للجزء الثاني :)
الثائر بركان
جزاج الله خير اخيتي
خوش معلومات
e walla 9ob7an alla el 3athem
عجيبه المعلومه
أو مره أدري
و قلتيها بطريقتج الحلو الخفيفه
دمتي لنا أخت عزيزه و غاليه على قلبي
مشكورة وايد ويعطيج العافية على المعلومة الطيبة
:)
من زمان ما مريتى علينا
مشكوره والله يعطيج العافيه على المعلومات الرائعه :)
Post a Comment