بدت لويه السفر والفيز والجوازات وكل من مشتط ويجهز
الامهات لويه مع تجهيز الشنط والاولاد ..
والابهات اذا مسافرين معاهم لويتهم مع مواعيد السفر والتحضير لوسائل النقل
لكن
لي وقفه في هذا الموضوع
هل الكل يستمتع في هذه السفره؟
هل السفر مع الاهل ممتع؟
ام
الاصدقاء اكثر امتاعا؟
ام
تفضل السفر متنقلا لوحدك؟
تختلف وجهات النظر في هذا الموضوع
:) امتعونا بوجهات نظركم
الامهات لويه مع تجهيز الشنط والاولاد ..
والابهات اذا مسافرين معاهم لويتهم مع مواعيد السفر والتحضير لوسائل النقل
لكن
لي وقفه في هذا الموضوع
هل الكل يستمتع في هذه السفره؟
هل السفر مع الاهل ممتع؟
ام
الاصدقاء اكثر امتاعا؟
ام
تفضل السفر متنقلا لوحدك؟
تختلف وجهات النظر في هذا الموضوع
:) امتعونا بوجهات نظركم
اتمنى لكم بداية اسبوع جيده
واهديكم هذه الاغنيه
43 comments:
طبعاا السفر مع الاهل فييه نوع من المتعة بس
هذا لسن معينة
او عمر محدد
بس شخص شااب يعني في منتصف العشرينات
اعتقد السفر مع الربع وااااايد احلى
احلى سفرة تكون مع النص الثاني
الشخص اللي يحبك وتحبينه
معاه بس تسنين كل الهموم وكل شي يتغير ويصير وايد وايد حلو
TReSTeN
:)
عجبتني (وااااااااايد) تأييد كامل لرايك
expired
الله
اكيد كلامج 100% والله صح
تكون احلى سفره
سفره الاهل انت اااخر دلع وراحه
يا بعد عمرى يشيلووونج على كفوف الراحه
بس تصيرين متقيده شوى واتحاتينهم حتى لو تنطلقين هناك واتصادفين ربعج بس وجودهم يخليج اتحاتين انج اتردين بوقت معين
الوالد الله يحفظه يعطيج قوانين
يعنى جذى
بس مع الربع
يا ساالالالالالالالالالالالام سلم
ماله داعى اشرح
احلى السفرات
يا حلو سفرة الأهل ويا حلو سفرة الربع .. كل وحدة لها طعم .. بس السفر بروحي .. جربتها وأعوذ بالله .. تنام بروحك .. تاكل بروحك .. تمشي بروحك .. تسولف مع نفسك .. قريب وتين .. بس في سفرة ما ذكرتيها .. سفرة الحبايب .. أتوقع ترسخ بالمخ وما تنسي
انا أقول خلي البلوقات عنج وروحي باجر صوريلج 4 صور خلفية بيضة حق الفيزا قبل لا يضيع عليج الوقت :)
charisma
صج كلامج
انا احب اسافر مع امي وابوي وخلاتي واخواني
واستاااانس واايد والسفره اغلبها غشيانين من الضحك
بس
هم سفرة الاصدقاااء غير
Abdullah
لووول
والله عاد قبل جم يوم رحت اصور اليهال حق المدرسه جان اقول خن صور حق الفيز .. بعد سبحان الله نقرر فجأه
;)
سفرة الحبايب اذا لاحظت اللي يبيها قاعدين يكتبونها بالتعليقات
واكيد احلى سفره بتكون وماتنسي
:)
اولا مشكوره على هالدعوه
الاعلانيه
العلنيه
هاهاهاهاهاها
اشوف ليش طبت كل من قراها
دعالي
:)
........
انا ماسافر الا مع اهلي
والحمد لله
الله لايغير علي الا للاحسن
اهلي يطاوعوني
بالمكان اللي ابيه والمكان اللي ابيه..
صديقاتي فيه
malak
الحمدالله على السلامه
الله يجيرج عن الشر على طول آآمين
والله صج كلامج وسبق رديت على كاريزما
حلوه السفر مع الاهل
والحمدالله اذا يطاوعونج
الله لايغير عليج الا الى الاحسن
ذكرتيني لازم اصور :\
ماكو على سفر الربع
بس يا حيل الله
شنسوي لكن عزاي الوحيد ان رفيجاتي هناكفونااااااسه
ما علي من اهلي
مساكين اهلي مدليليني بسسسسسسسس انا مو ويه دلال
لاني ابي اساااااااااافر ويا ناس ثانين
والله كل شي له شيه
الأهل ما تحاتين وياهم بس عاد يبيلهم دول ما فيها ليل
----
السفر ويا اليهال
تسوه تشوفين وناستهم تالي
و لما يقولون يما سوينا جذي و جذاك
مثل ما إحنا إستانسنا
و فرصه حلوة إن اليهال يكونون ويانا طول الوقت
و جميع الوجبات متجابلين
و هذا الشي ما يحصلهم بالكويت
-----
السفرة ويا الريل بروح له طعم ثاني
تروحين أماكن ما تقدرون تروحين لها ويا بنات بروحكم
حفلات و سهرات
و همن ما يكون كل شي بويهج
لكل سفره حلاوتها و نفصانها
نحتاج وحده من كل نوع بين فتره و ثانيه
سفره الاهل دافيه .. استعاده ذكريات !
الربع انطلاااااق !
اما الوحده نحتاجها للعمق !
ياحلو السفر المفرد
راحة بال
بدون سوق وبدون دوشة يهال
احتاج سفرتين بالسنة
وحدة مع المدام و وحدة مع الربع
مساج الله بالخير اخيتي
انا اذا البال مو مرتاح..ما اسافر...اذا وراي مليون شغلة لازم اخلصها ياالله اسافر...احاتي
و انا اسافر مع الكل ..ما عندي مشكلة ..بس لا يكون دعلة... و ثقيل طينة
سافرت مع الربع لين قلت بس
و سافرت مع الأهل لما قلت بس و بس
ابي اساااافر بروحي
و على مسلسل برزن بريك قريت بوست لج و ادري ياي متأخر
اذا خلصتيه ترى سيزن 3 بينزل شهر 8
و ترى في موقع تقدرين تنزلينهم كل الحلقات مترجمين و خالصين
و فعلا المسلسل روعة و من زمان ابي احد اقرق معاه عن المسلسل
لووول
ودي أسافر :)
والله كل سفرة لها طعم يميزها
والحمدلله كل سفره قادره اني اشغل فيها نفسي خصوصاااااا بوقت الملل
:)
غير جذي اعترف اني عيوز ومااحب اطول بالسفر .. اوله على كويتنا ^_^
lawyer
معاي ادري ;)
والله الاهل يهبلون بالسفر اذا مافيهم دعاله
Яeema
ممممم
صح كلامج مع الاهل ماتحاتين شي
مع اليهال اوكي وناسه لما نرد ويسولفون لنا .. ماما تذكرين وماما تذكرين
صج وناسه
مع الريل او الزوج
ماحظيت في هالفرصه
:(
مع الصديقات عجبه
Cr8ivia
عدل
بس الوحده للعمق؟ مافهمت
barrak
وجهة نظر يمكن يختلف معاك واايد ناس
بس فكرت فيها يوم من الايام
:)
kila ma6goog
عين العقل
:)
عثماني
اي والله صاج
عاد كل شي ولا الدعاله والحنه واللبحه
mtfa2el
جرب السفر المفرد وقولنا رايك فيه
برزن بريك
عجيييب
وناطره الجزء الثالث
ButterFlier..
حتى انا والله :)
ReLaaaX
ويييه
انا لو يحصلي
جان طول السنه بره وبس رمضان بالكويت
مااشبع من السفر
ماعمري سافرت ويا الأهل..
وسفرات الربع تاثه وبايخه
وماعندي يهال اسفرهم او اسافر وياهم
..
ممكن أأيد راي براك حول السفر الوحداني :)
وإن اختلف.. مع شخص واحد فقط لا غير
يعتمد
بروحي
مو اكثر من اسبوع
لاي بلد فيها بحر
مع الاهل
حلاتها ما اتطول عن اسبوعين
ولديرة اهلها ينامون مع المغرب
مع الاصدقاء
ما اتطول عن شهر
لديرة ليلها نهار
معاه
مو مهم وين والعمر كله رحلتي الجميلة
دومي بحب
تحياتي
وقار
جرب السفر مع الاهل اذا اهل سهلين ودمهم خفيف
الاصدقاء اذا على قلب فتكون من امتع السفرات
السفر الوحداني اوكي يوم يومين ثلالثه مو اكثر
NewMe
مو مهم وين والعمر كله رحلتي الجميلة
معناها كبيرجدا ومؤثر الله وايد عجبتني الكلمه
حسيت معانيها
والله صح كلامك اي مكان مع اللي تحبهم يكون حلو
يا كره السفر و مشاوير المطار
وخاصة اذا جوازك كويتي..."مطقاقه" و مصدر شك و قلق
ماحب السفر و لوية الجناط..أحسن شي السفر بهاندباج او باك باك فقط
استغرب من اللي يسافرون بعشرين جنطة و يرجعون ب40 جنكه..
شدعوة ماكو هدوم بالديرة؟ ولا اللي عمره ما تبخر..تبخر و شصار فيه ؟
مشكورين وايد يا عيال المطبه على هالبوست...اللطيف
مرحبا و سهلا
انا عن نفسي احب سفر مع شخص يفهم طباعي و افهم طباعه
تحياتي
السفر في حد ذاته متعه...و في رأيي ان هذه المتعة او السعادة لا تكتمل الا بوجود الاسرة.... حقيقي بتكون فرصة جيدة للترابط و القرب .. بعيدا عن منغصات الحياة.
ربنا ييسر للجميع و يحفظ الجميع في حلهم و ترحالهم.
تحياتي ..و شكري و تقديري
بصراحة
انا ما جربت السفر مع الاصدقاء او بروحي
فسفراتنا دووم عائلية
عاد تدرين
بس يقوم ابوي من النوم
بقعد أحن على راسه عالسفر
" السفر متعة وتغيير جو وفعلا راحة واستجمام "
السفر حلو بكل حالاته والشي المميز
بالسفر انك تقدر تعرف الناس على حقيقتهم
السفر مع الاهل ممتع للغايه وتغيير مميز
ومع الاصدقاء ماجربته وايد بس مره سافرنا وصادف اهل رفيجتي مسافرين ويانا فجم مره طلعنا مع بعض وبيني وبينكم اليمعه حلوه
على فكره
في ناس يحلى السفر معاهم وفي ينكدون السفره بكبرها
مممممم ...
بالنسبه لي كل سفره و لها اصحابها
و هم النفسيهو المزاج يلعبون دور :]
يبييله سفره تكسر الروتين الممل
السفر مواسم بالصيف عائلي وبالشتاء مع الربع وبين المواسم فردي وكل عمر وسفرته بصووب وانا السنه عيني على ريف اخضر وبقرملونه والبان وقطارات ماتخلص وبعدين جم يوم بلبحر الميت ياترى وين؟
مساء العسل والجوري..
مساء السفر اللي يريحج مع الأهل او مع الأصدقاء :)
انا اشوف ان الكل حلو..
الأهل: فيه وناسه بس فيه بعد نوع من الألتزام والمسؤليه..
اما السفر مع الأصدقاء اشوف انه احلى..
لأن الواحد يقدر يطلع ويسهر دون ان يحاتي وراه اهل..
يعني ياخذ راحته على كيفه تكون طلعاته..
شرايج هالصيف اسافر معاج وكل وحده منا تقيم الثانيه بالسفر؟ *_^
عتيج الصوف
الأستاذ بلاليط
الربان
Aldenya
Shaima'a Alkandari
Shather
mo7m7
ونءتني زيارتكم وارائكم الحلوه
مشكوورين وماقصرتوا
امبراطـــورة اشعاري
ماعندي مانع
خوش اقتراح :)
اختاري مكان وانا بختار ونسوي قرعه
وات ول بي
من الحين اقولج سفره عيد رمضان ويااااااج
يالله ظبطينا
:)
انا بختار اسبانيا بس ماعرف انجليزي :)
وانتي شنو تختارين؟
:)
Post a Comment