تحديث
الاسبوع اللي فات والاسابيع الجايه ماشاءالله الافراح والزواجات والمناسبات السعيده تفتك بميزانية كل بنت بالكويت
موهذا موضوعي
كل مره لما ندش لعروس والحفلات نسلم على اهل المعاريس
واحنا رايحيين ندورلنا مكان .. نسلم على فلانه وعلانه
المهم
اكو نوعيه من الناس اكيد صادفتوهم يوم من الايام
شنو طريقتهم
انهم اذا شافوج كاشخه وطقمج يرتهش
هللوا ومرحبوا فيج
حتى لومابينج وبينهم معرفه زايده
واذا يتلهم وحده على قد حالها تسلم عليهم
تعالوا شوفوا الكبر والموقه والفلسفه ليييش؟
ليش هالطريقه؟ موحلوه بحقهم
*واكو نوعيه ثانيه.. اذا انتي ومع وحده تسولفون وقعدت يمكم وحده ثالثه ساكته .. من السنع والذرابه انج تشركينها بالموضوع معاكم .. بس بعض الحريم يحبون يسوون روحهم اهما اللي عارفين الموضوع وكاشخه بالمعلومه اللي عندها وهذي ويييه شعرفها وتحقرها طول القعده .. عيييييييييييب
وصاجه شكشكه لي قالت المشكله ان حريم كبار اللي يسوون جذيّ!!*
شرايكم بنات؟ شفتوا جذي صح ؟
الشباب هل بالديوانيات اكو جذي؟
موهذا موضوعي
كل مره لما ندش لعروس والحفلات نسلم على اهل المعاريس
واحنا رايحيين ندورلنا مكان .. نسلم على فلانه وعلانه
المهم
اكو نوعيه من الناس اكيد صادفتوهم يوم من الايام
شنو طريقتهم
انهم اذا شافوج كاشخه وطقمج يرتهش
هللوا ومرحبوا فيج
حتى لومابينج وبينهم معرفه زايده
واذا يتلهم وحده على قد حالها تسلم عليهم
تعالوا شوفوا الكبر والموقه والفلسفه ليييش؟
ليش هالطريقه؟ موحلوه بحقهم
*واكو نوعيه ثانيه.. اذا انتي ومع وحده تسولفون وقعدت يمكم وحده ثالثه ساكته .. من السنع والذرابه انج تشركينها بالموضوع معاكم .. بس بعض الحريم يحبون يسوون روحهم اهما اللي عارفين الموضوع وكاشخه بالمعلومه اللي عندها وهذي ويييه شعرفها وتحقرها طول القعده .. عيييييييييييب
وصاجه شكشكه لي قالت المشكله ان حريم كبار اللي يسوون جذيّ!!*
شرايكم بنات؟ شفتوا جذي صح ؟
الشباب هل بالديوانيات اكو جذي؟
29 comments:
الريال اذا دش المجلس
يسلم على الكل واحد واحد
إلا اذا كان شايب كبير بالسن
يكتفي بالسلام و التحية للجميع
بعدين بقية الموجودين بالمجلس يقومون يسلمون عليه وهو قاعد بمحله تقديراً لسنه
هذا اللي يصير بمجالس الرجال و دواوينهم
اما سالفة سلام - النقوه - هذا اللي عند الحريم فأول مره اسمع فيه
اعتقد يدل على ان اللي يسوونه مخهم صغير
سكتي مرتي عندها 3 عروس كلهم هالشهر
ومن اهلها القراااااب
يعني حدّي تمسخرت
ميزانية الهدوم
غير المكياج ياي بالطريج مع التسريحه
:(
شوفي الدواويين الصجية
في احترام حق الكبير وتقدير للكل
ومافي من هالسوالف
بس اذا ديوانية كل يووم هذا شي ثااني
انا مرات ارووح بشوورت مراات بدشداشة النوم يعني البيجامة
وقصب على الكل يحترمني ويضربلي تعظيم سلام بعد
لوووووووووول
صح ساعات أشوف هالنوعية
وفي نوعية ثانية بعد خصوصا اذا كنتي تعرفين هالشخص
اذا شافج كاشخه على الأخر يموق عليج وما تسلم عدل
وتخزج من فوق ليه تحت
والنوع هذا أضحك عليه صراحه
اى اعرف هالنوع
اكيييييييييد مر على
بس هذول مو صاحين
والبعد عنهم غنيمه
الى تقيمنى على فلوسى وكشختى ما ابها ولا ابى سلامها
وهذول اكثر الناس تعبانين بدنيتهم
صدقينى
معاشرتهم واعرفهم
تعبانييييين وشقيانيييين
الحمدالله والشكر
الغنى غنى النفس
والله اذا يصير جذى هذى امراض نفسية الحمدالله والشكر
بعدين الدواوين تنقسم نوعين رسمية وغير رسمية
الرسمية لازم غترة وعقال ولوية وبرستيج مثل ما يقولون
وتلم القريب والبعيد
بس الغير رسمية
شورت وبلوزة وتلقين كنتاكي صافط برة مرات :))
بس الاحترام موجود عند الكل اللهم اذا حصلتى مرات واحد ما يشتهى شخص معين بس عاد مو علشان لبسه
مرات فى ناس قليلة ادب تلقين وللامانة مو استقالالا باحد
ان اذا ديوانية عايلة معينة يطالعون شخص معين بنظرة دونية
وهذى كلها امراض نفسيه خلقها المجتمع السخيف
فعلا هذي امراض نفسيه
عند بعض الناس
وعقليات متخلفه مع احترامي لهم !!!
هل قدر الشخص بشكله !!
شي غريب الصراحه
ايييي بنات عشتو خايفين عالبف يخترب وحق نماينهم ابوووووود اصلا يبين على ويهم تحسين ودها تروح حق ام طقم يرهش بس عسى تعرفها مو هامها بس ان جدام الناس ترى فلانة اعرفها وللاسف نشوف هالتصرفات من حريم كبار اللي اهما المفروض يكونون قدوتنا
الله يهديهم انشالله
مساج عسل يا عسل :)
والله انا شفت هالنوعيه ياكثرها بالعروس..
بس فيه نوعيه ثانيه اذا تعرفينها.. انهم اذا شافوج كاشخه يالله حطوا عيوب الدنيا كلها فيج.. هذا مو حلو..اللون مو لايق..ليش مكثره..ومن هالسوالف.. وانا ادري انهم مايحطون على شي الا اذا عاجبهم...
يقولج المثل: لا يضرب الا الشجر المثمر..
وياكثر الأعراس بهالصيف الله يعينا :)
في هذا الزمن انا اتوقع كل شي من الناس
بس اهم شي نتجنب الاماكن او الاشخاص اللي فيهم
يحبون المظهر و خاصة في الحفلات الرسمية احاول اتجنبهم بأي طريقة حتى لو هم بادروا يكون ردي رسمي شوي معاهم
حسام بن ضرار
والله صدقت يوم انك قلت
مخهم صغير
اد البلوطه
MANAF
هااهاهاااااي
غشيتني من الضحك
الله يعينك
كلنا لها ان شاء الله
اهم شي انك تدري بالميكب والتسريحه هم يبيلهم همجه
TReSTeN
:)
تستاهل كل خير والله
:)
بنت الكويت
صاجه
اييي ليش هالحسد؟
نادر ماتلاقين وحده تمدح الثانيه
اففففففف
charisma
اي والله الغنى غنى النفس
صدقتي
Mishari
صج امراض نفسيه
ومستعصيه بعد
ياحلو هالديوانيه ام شورت وكنتاكي صافط بره
يازين الناس على بساطتها من غير تصنع وتكبر
وجودك يسعدني جدا
وجدا تقنعني بارائك
::heba::
هل قدر الشخص بشكله؟
سؤال يطرح نفسه
الله يهديهم ان شاء الله
صج المشكله حريم كبار
الظلم .. ظـــلمــــــــــــات
والجسمي يقول : الكبر لله ودوم ابن آدم صغير
مهما تعلى مكانه يرجع لأصله
من طين ربي خلقنا كيف نتغير
دام الخطايا تزود طيننا بله
الحديث عن الأعراس و الحفلات يبدأ لكنه يأبى أن ينتهي =)
شخصياً لا أحب الرسميات خاصةً في الحفلات. و أكره - مخامط الحريم الكبار - في العرس للبنات !!
ندري بتخطبون بس أجلوا الموضوع لازم بالعرس!
أكره - اللي تسوي نفسها ماتشوف- عشان لا تسلم على الناس ، لا تسلمين على راحتج ، بس شوفينا ع الاقل و ابتسمي!
أكره - لمه ينقلب العرس هوشه- و حصلت في كثير من الأعراس بين أهل الزوجين يعني .
التفاهم مطلوب يا ناس!!
أكره - لمه يقولون دي جي اسلامي - و الموسيقى اللي بالدي جي و الدي جي بكبره لا إسلامي ولا هم يحزنون ،، إي من الاول بلغوا الناس ليش اتحايلون عليهم؟
أكره وايد تصرفات بالحفلات ، وبالاستقبالات بعد .. بس مااكره الناس كأشخاص ، لا تفهومني غلط =)
القائمة عندي طويلة .. أكتفي باللي ذكرته.
مساالخير والاحساس والطيبه
مساءمايليق الا بالغالين
اللى دايما بطلتهم منورين
غاليتى ترى مجتمعنا صار ممتلىء بهالنماين
من الناس "ضعاف النفوس،او اصحاب النفوس المريضه" والعياذ بالله
والحمدلله والشكر ان الله كرمنا عنهم وعن بلاويهم
دمت يالغاليه..بالصحه والخير والعافية
:))))))))))))))))))))))
hehehe
خوش موضوع ..
فعلا تصير وايد ..
بالعرس وحده تاكل الثانيه بعيونها الله يهداهم :) مادري شالطبع من ويين متعلمينه ؟؟
شي مضحك و مخجل بنفس الوقت
bo_saket
اهلا وسهلا
وحياك الله
وصاج الجسمي لي غنى هالاغنيه
صج تتوافق مع طبع مجتمعاتنا
loyalty
كل اللي قلتيه صح
وصاجه لي قلتي هذا بعض مما عندنا
الصراحه شي يعل القلب
فراوله
مساء مايلبق الا فيج وفي كلامج العسل
صج الحمدالله ان الله فضلنا عليهم والا اللي فيهم مرض مزمن
الله يكافينا الشر
Shather
بذمتج مو طبع كسييف
ويفشل؟؟
شر البلية مايضحك
آنا اللي يبهرني و يخليني أهلل و رحب فيه إللي يكون مثقف و يونس و يثري الحوار و مايكون سطحي .. أما المظاهر فهي غير مهمة بالنسبة لي.. لأني أشوف الدوواوين و القهاوي مو أماكن مظاهر..
والله يعطيج العافية :)
Jibla Square
allaaaaah
chan zeeen kil ilnas tfaker methlik
klik 3dl
maqa9art to pass
صاااااااااجه
خليني اقووولج سالفه
انااااااا مرا من المرات
بحياتي ما راح انسى هالموقف
كنت بالصالون
وشكلي
ترينيج
و نعال
و هلااااااااقه
لويه من الصبح
شفاتني رفيجه امي
و بنتها صدواا
عادي طاف
قلت يمكن ما يعرفوني
يوم صار بالليل
و دشيت العرس
طبعا بدله سهره
و الطقم
و الساعه و التسسسسسسنع
و الفرير بيدي
يالله من فضلك
فجأه
يااااااااحلوووج
اشهزييييييييين
بلا بلا بلا
من حرتي
ما عطيتهم ويهه و سويت نفسي صمخه ما اسمع و اهم يسلمون على امي
و تقولها هذي فطوووووومه
اسم الله عليها
و بلا بلا
و انا بقلبي
اقووووووووول
ايا جليله الحيااااااا
الظهر
صااااااااده عني
بالليل انا جميييييييييله الجميلات فجأه!!!!!!!!!
Post a Comment